Home
Previous
Text to find
Next
Pali Canon: vinaya pitaka , Pacittiya , book: 1 , database record: 1705 .
[BJT Page 382] [x 382/]

Anāpatti: asañcicca asatiyā ajānantiyā gilānāya thalekato udakaṃ ottharati, āpadāsu ummapaṭipucchi.Ttacittāya vedanaṭṭāya ādikammikāyāti.

Paṇṇarasamasikkhāpadaṃ.

Uddiṭṭhā kho ayyāyo sekhīyā dhammā. Tatthayyāyo pucchāmi kaccittha parisuddhā.Parisuddhetthayyāyo tasmātuṇhī. Evametaṃ dhārayāmīti.

Sekhiyā niṭṭhitā.
[PTS Page 351] [q 351/]
7. Adhikaraṇasamathā

Ime kho panayyāyo satta adhikaraṇasasamathā dhammā uddesaṃ āgacchanti.

1. Uppannuppannānaṃ adhikaraṇānaṃ samathāya vūpasamāya sammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṃ, yebhuyyasikā tassapāpiasañciccarakoti.

2. Uddiṭṭhā kho ayyāyo satta adhikaraṇasamathā dhammā. Tattha ayyāyo pucchāmi kaccittha parisuddhā. Dutiyampi pucchāmi kaccittha parisuddhā. Tatiyampi pucchāmi kaccittha parisuddhā. Parisuddhetthayyāyo tasmā tuṇhī. Evametaṃ dhārayāmīti.

Adhikaraṇasamathā niṭṭhitā

3. Uddiṭṭhaṃ kho ayyāyo nidānaṃ, uddiṭṭhā aṭṭhapārājikā dhammā, uddiṭṭhā sattarasa saṅghādisesā dhammā, uddiṭṭhā tiṃsanissaggiyā pācittiyā dhammā, uddiṭṭhā chasaṭṭhisatā pācittiyā dhammā, uddiṭṭhā aṭṭhapāṭidesanīyā dhammā, uddiṭṭhā sekhiyā dhammā, uddiṭṭhā satta adhikaraṇasamathā dhammā, ettakaṃ tassa bhagavato suttāgataṃ suttapariyāpannaṃ anvaddhamāsaṃ uddesaṃ āgacchati. Tattha sabbāheva samaggāhi sammodanāhi avivadamānāhi sikkhitabbanti.

Bhikkhunīvibhaṅgo niṭṭhito.

Pācittiyapāḷi niṭṭhitā.