Home
Previous
Text to find
Next
Pali Canon: abhidhamma pitaka , Volume 1 , book: Dha-tukatha-ppakaran.am. , database record: 10665 .
[BJT Page 6] [x 6/]

1. Saṅgahāsaṅgaha pada niddeso1

1. Rūpakkhandho katihi khandhehi katihā'yatanehi katihi dhātūhi saṅgahito.

[PTS Page 002] [q 2/]
Rūpakkhandho ekena khandhena ekādasahāyatanehi ekādasahi dhātūhi saṅgahito.

Katihi asaṅgahito: catūhi khandhehi, ekenāyatanena, sattahi dhātūhi asaṅgahito.

2. Vedanākkhandho katihi khandhehi katihāyatanehi katihi dhātūhi saṅgahito:

Vedanākkhandho ekena khandhena ekenā'yatanena ekāya dhātuyā saṅgahito.

Katihi asaṅgahito: catūhikhandhehi ekādasahā'yatanehi sattarasahi dhātūhi asaṅgahito.

3. Saññākkhandho katihi khandhehi katihā'yatanehi katihi dhātūhi saṅgahito:

Saññākkhandho ekena khandhena ekenāyatanehi ekāya dhātuyā saṅgahito.

Katihi asaṅgahito: catūhi khandhehi ekādāsahā'yatanehi sattarasahi dhātūhi asaṅgahito.

4. Saṅkhārakkhandho katihi khandhehi katihāyatanehi katihi dhātūhi saṅgahito:

Saṅkhārakkhandho ekena khandhena ekenā'yatanena ekāya dhātuyā saṅgahito.

Katihi asaṅgahito: catūhi khandhehi ekādasahā'yatanehi sattarasahi dhātūhi asaṅgahito.

1. Saṃgahāsaṃgaho - [PTS]