15. Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca katīhi khandhehi katihāyatanehi katīhi dhātūhi saṅgahitā:

Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca pañcahi khandhehi dvādasahāyatanehi aṭṭhārasahi dhātūhi saṅgahitā.

Katīhi asaṅgahitā: na kehicī khandhehi na kehici āyatanehi na kāhici dhātūhi asaṅgahitā.

16. Pañcakkhandho katīhi khandhehi katihāyatanehi katīhi dhātūhi saṅgahitā: pañcakkhandhā pañcahi khandhehi dvādasahātanehi aṭṭhārasahi dhātūhi saṅgahitā.

Katīhi asaṅgahitā: na kehici khandhehi na kehici āyatanehi na kāhici dhātūhi asaṅgahitā.

[PTS Page 005] [q 5/]
17. Cakkhāyatanaṃ katīhi khandhehi katihātanehi katīhi dhātūhi saṅgahitaṃ: cakkhāyatanaṃ ekena khandhena ekenāyatanena ekāya dhātuyā saṅgahitaṃ.

Katihi asaṅgahitaṃ: catūhi khandhehi ekādasahāyatanehi sattarasahi dhātūhi asaṅgahitaṃ.

18-26. Sotāyatanaṃ -pe- ghānāyatanaṃ - jivhāyatanaṃ - kāyāyatanaṃ - rūpāyatanaṃ - saddāyatanaṃ - gandhāyatanaṃ - rasāyatanaṃ - phoṭṭhabbāyatanaṃ - ekena khandhena ekenāyatanena ekāya dhātuyā saṅgahitaṃ.

Katīhi asaṅgahitaṃ: catūhi khandhehi ekādasahāyatanehi sattarasahi dhātūhi asaṅgahitaṃ.