Home
Previous
Text to find
Next
Pali Canon: abhidhamma pitaka , Volume 1 , book: Dha-tukatha-ppakaran.am. , database record: 10666 .
[BJT Page 8] [x 8/]

5. Viññāṇakkhandho katihi khandhehi katihā'yatanehi katihi dhātūhi saṅgahito.

Viññāṇakkhandho ekena khandhena ekenāyatanehana sattahi dhātūhi saṅgahito.

Katihi asaṅgahito: catūhi khandhehi ekādasahā'yatanehi ekādasahi dhātūhi asaṅgahito.

6. Rūpakkhandho ca vedanākkhandho ca katihi khandhehi katihā'yatanehi katihi dhātūhi saṅgahitā:

Rūpakkhandho ca vedanākkhandho ca dvīhi khandhehi ekādasahāyatanehi ekādasahi dhātūhi saṅgahitā.

[PTS Page 003] [q 3/]
Katihi asaṅgahitā: tīhi khandhehi ekenāhatanena sattahi dhātūhi asaṅgahitā.

7. Rūpakkhandho ca saññākkhandho ca -pe- dvīhi khandhehi ekādasahāyatanehi ekādasahi dhātūhi saṅgahitā.

Katihi asaṅgahitā: tīhi khandhehi ekenāyatanena sattahi dhātūhi asaṅgahitā.

8. Rūpakkhandho ca saṅkhārakkhandho ca -pe- dvīhi khandhehi ekādasahāyatanehi ekādasahi dhātūhi saṅgahitā.

Katīhi asaṅgahitā: tīhi khandhehi ekenāyatanena sattahi dhātūhi asaṅgahitā.

9. Rūpakkhandho ca viññāṇakkhandho ca -pe- dvīhi khandhehi dvādasahātanehi aṭṭhārasahi dhātūhi saṅgahitā.

Katīhi asaṅgitā: tīhi khandhehi na kehici āyatanehi na kāhicī dhātūhi asaṅgahitā.