Yo anaññātaññassāmītindriyaṃ na bhāvittha so aññātāvīndriyaṃ na sacchikarissatī'ti: dve puggalā anaññātaññassāmītindriyaṃ [PTS Page 215] [q 215/] na bhāvittha, no ca aññātāvindriyaṃ na sacchikarissanti. Yo puthujjanā maggaṃ paṭilabhissanti te anaññātaññassāmītindriyañca na bhāvittha, aññātāvindriyañca na sacchikarissanti.

Yo vā pana aññātāvindriyaṃ na sacchikarissanti so anaññātaññassāmītindriyaṃ na bhāvitthāti: arahā aññātāvindriyaṃ na sacchikarissati, no ca anaññātaññassāmītindriyaṃ na bhāvittha. Ye puthujjanā maggaṃ na paṭilabhissanti, te aññātāvindriyañca na saccikarissanti. Anaññātaññassāmītindriyañca na bhāvittha.

48. Yo aññindriyaṃ na bhāvittha so aññātāvindriyaṃ na sacchikarissatī'ti: aṭṭha puggalā aññindriyaṃ na bhāvittha, no ca aññātāvindriyaṃ na sacchikarissanti. Yo puthujjanā maggaṃ parilabhissanti te aññindriyañca na bhāvitta, aññātāvindriyañca-1. Na sacchikarissanti.

Yo vā pana aññātāvindriyaṃ na sacchikarissati so aññindriyaṃ na bhāvitthā'ti: arahā aññātāvindriyaṃ na sacchikarissati, no ca aññindriyaṃ na bhāvittha. Ye puthujjanā maggaṃ na paṭilabhissanti te aññātāvindriyañca na saccikarissanti, aññindriyañcana bhāvitthā'ti. (Paccanīkaṃ)

Atītānāgatavāro.
Indriya yamakaṃ niṭṭhitaṃ. -2.
Yamakappakaraṇaṃ samattaṃ.

-----
1. Aññindriyañca - [PTS.]
2. Indriya yamakaṃ dasamaṃ paripūṇṇaṃ - [PTS.]

Anaññātaññāssamītindriyañca na bhāvittha.