Home
Previous
Text to find
Next
Pali Canon: Abhidhamma pitaka , Part 2 , book: Yamaka 2 , database record: 14801 .
[BJT Page 534] [x 534/]

Yo vā pana anaññātaññassāmītindriyaṃ na bhāvessati so domanassindriyaṃ nappajahitthā'ti: tayo puggalā-1. Anaññātaññassāmītindriyaṃ na bhāvessanti, no ca domanassindriyaṃ nappajahittha. Cha puggalā anaññātaññassāmītindriyañca na bhavessanti. Domanassindriyañca nappajahittha.

Yo domanassindriyaṃ nappajahittha so aññindriyaṃ na bhāvessatī'ti: cha-2. Puggalā domanassindriyaṃ nappajahittha no ca aññindriyaṃ na bhāvessanti. Ye puthujjanā maggaṃ paṭilabhissanti te domanassindriyañca nappajahittha, aññindriyañca na bhāvessanti.

Yo vā pana aññindriyaṃ na bhāvessati so domanassindriyaṃ nappajahitthā'ti: dve puggalā aññindriyaṃ na bhāvessanti, te domanassindriyaṃ nappajahittha. Ye puthujjanā maggaṃ paṭilabhissanti-3. Te aññindriyañca na bhāvessanti. Domanassindriyañca nappajahittha.

Yo domanassindriyaṃ nappajahittha so aññātāvindriyaṃ na sacchikarissatī'ti: cha puggalā-4. Domanassindriyaṃ nappajahittha, no ca aññātāvindriyaṃ na sacchikarissanti. Ye puthujjanā maggaṃ paṭilabhissanti-5. Te domanassindriyañca nappajahittha, aññātāvindriyañca na sacchikarissanti.

Yo vā pana aññātāvindriyaṃ na sacchikarissati so domanassindriyaṃ nappajahitthā'ti: arahā aññātāvindriyaṃ na sacchikarissati, no ca domanassindriyaṃ nappajahittha. Yo puthujjanā maggaṃ paṭilabhissanti-6. Te aññātāvindriyañca na sacchikarissanti, domanassindriyañca nappajahittha.

47. Yo anaññātaññassāmītindriyaṃ na bhāvittha so aññindriyaṃ na bhāvessatī'ti: dve puggalā anaññataññassāmītindriyaṃ na bhāvittha, no ca aññindriyaṃ na bhāvessanti. Ye puthujjanā maggaṃ paṭilabhissanti te anaññātaññassāmītindriyañca na bhāvittha, aññindriyañca na bhāvessanti.

Yo vā pana aññindriyaṃ na bhāvessanti so anaññātaññassāmītindriyaṃ na bhāvitthā'ti: dve puggalā aññindriyaṃ na bhāvessanti, no ca anaññātaññassāmītindriyaṃ na bhāvittha. Ye puthujjanā maggaṃ na paṭilabhissanti te aññindriyañca na bhāvessanti. Anaññātaññāssamītindriyañcana bhāvittha.

1. Dve puggalā - [P. T. S.]
2. Cattāro - machasaṃ.
3. Maggaṃ na paṭilabhissanti - [P. T. S.] Tayo puggalā - machasaṃ.
4. Pañca puggalā - [PTS.]
5. Na paṭilabhissanti - machasaṃ.
6. Maggaṃ na paṭilabhissanti - [PTS.]